B. Lalchhanzova chuan, he department hi January ni 21, 1972 ah din a ni a. A mawhphurhna tlangpuite chu survey, settlement leh Land Records vawn bakah  chhiah lak a ni, tiin, March ni 29, 1994 ah Major Department ah hlan kai a nih thu a sawi. 

Land Revenue & Settlement Department hnuaiah hian Directorate pahnih a awm a- Directorate of Land Revenue & Settlement leh Directorate of Registration and Stamps (Estd :27th September, 2013). DLRS hian ram teh, Land record vawn leh ram chhiah khawn te an thawk a. DR&S lam hian ram in hralh, lei leh dahkham bakah thil in hralh reng reng sawrkar hriatpui a nih nemnghehnan  Stamp duty leh registration hna te an thawh thu Minister hian a tarlang.

An department hnuaiah thawktu in dailohna a nasat thu sawiin- Group A ah vacant post 12 awmin, Group B ah 135, Group C ah 76 leh Group D ah 229, an vaiin vacant post 452 a awm thu a tarlang.

Minister hian Land Revenue & Settlement Deptt chuan mipui leh sorkar indawrna a harsatna awm leh thil kal muang lutuk tih zia awma, sorkar kaphung fel zawk siam turin kawng hrang hrangah hma lak mek a nih thu a tarlang a. Heng- Department chhung lama inthuam that te, Land Record mumal zawka siam leh semrual hna mumal taka kalpui, Rambuai chin fel thua hmalak te, Mipui leh sorkar department te nena in dawrna lamte, Central Schemes leh Projects buaipui dan te leh Revenue Tax tam zawk lakluhna atana ruahhmanna te a nih thu a sawi.

B. Lalchhanzova chuan, Settlement Officer te hi an hah lutuk mai nilovin, mipa khat tana thawhsenloh hna a awm tawh a chuvang chuan, "Aizawl North leh Aizawl South bakah Lunglei ah te hian Senior SO post siam a, an hnuaiah SO pakhat, ASO pakhat leh ASO (T) pahnih theuh dah belh a, heng district lian pahnih hi thuamchak tum an ni," a ti.